PDC3 ເປັນບໍລິສັດ ລັດວິສາຫະກິດ ຜະລິດຢານຳໜ້າຂອງລັດຖະບານໃນປະເທດລາວ ທີ່ມີຄວາມສຳນານຢູ່ໃນດ້ານການຄົ້ນຄ້ວາວິໄຈ ແລະ ການພັດທະນາ (R&D), ການຜະລິດ, ການຕະຫຼາດ ແລະ ການແຈກຢາຍ ວິທີການປີ່ນປົວທາງການແພດ ແລະ ການຢາ ຂອງຄົນລາວ.
ນັບຕັ້ງແຕ່ 1987 ເປັນຕົ້ນມາ ພວກເຮົາໄດ້ມຸ່ງໝັ້ນປັບປຸງມາດຕະຖານດ້ານການແພດຢູ່ໃນ ສ.ປ.ປ ລາວ ໂດຍຜ່ານການຄົ້ນຄິດປະດິດສ້າງ
ຫຼັກສຸດໃໝ່ໆ ແລະ ການຜະລິດບັນດາຕົວຢາທີ່ສຳຄັນອອກມາ, ຊື່ງບາງສ່ວນແມ່ນໄດ້ຮັບແຮງບັນດານໃຈມາຈາກວັດຖຸດິບພື້ນເມືອງພາຍໃນທ້ອງຖິ່ນ.
ມີຫຼາຍກວ່າໜື່ງຮ້ອຍຕົວຢາຕາມແພດສັ່ງສະເພາະ ແລະ ທົ່ວໄປ ທີ່ໄດ້ຮັບການອະນຸມັດ ແລະ ຮັບຮອງໂດຍກະຊວງສາທາລະນະສຸກຂອງປະເທດລາວ
ຊິ່ງໄດ້ສອດຄ່ອງກັບມາດຕະຖານຂອງ ISO ເຮັດໃຫ້ PDC3 ມີຊື່ສຽງຢູ່ໃນປະຊາຊົນລາວສຳລັບຄຸນນະພາບທີ່ບໍ່ມີຂໍ້ບົກຜ່ອງ ແລະ ເປັນຜະລິດຕະພັນ
ທີ່ຜະລິດຢູ່ໃນປະເທດລາວ.
ທຸກໆມື້ມີຜູ້ຊ່ຽວຊານຫຼາຍກວ່າ 140 ຄົນທີ່ໄດ້ຄົ້ນຫາວິທີການໃໝ່ໆເພື່ອປັບປຸງການປະຕິບັດທາງການແພດ ແລະ ການຢາພື້ນເມືອງລາວ,
ເພື່ອເປັນການເຮັດໃຫ້ແນ່ໃຈວ່າ ມາດຕະຖານຄຸນນະພາບຂອງຜະລິດຕະພັນແມ່ນສູງທີ່ສຸດຢູ່ໃນແຕ່ລະຂັ້ນຕອນຂອງການຜະລິດກ່ຽວກັບຢາພື້ນເມືອງ
60,000 ໂຕນ, 183 ລ້ານເມັດຢາ,3.8 ລ້ານຫຼອດຢາສັກ ແລະ ອີກຫຼາຍຊະນິດຕໍ່ປີ.
.gif)
ໂດຍຕອບສະໜອງຕາມການສະເໜີຂອງລັດຖະບານແຫ່ງສາທາລະນະລັດ ປະຊາທິປະໄຕ ປະຊາຊົນລາວ, ໂດຍຜ່ານອົງການຮ່ວມມືສາກົນຂອງ ຍີ່ປຸ່ນ (ໄຈກ່າ) ຊື່ງແມ່ນອົງການປະຕິບັດການຮ່ວມທາງວິຊາການຂອງລັດຖະບານຍີ່ປຸ່ນ, ລັດຖະບານຍີ່ປຸ່ນໄດ້ສົ່ງທີມງານຊຶ່ງນຳ ໂດຍ ທ່ານ ມິໂນຣຸ ອີຊີດະ ຫົວໜ້າພະແນກ 2 ການຮ່ວມມືເສດຖະກິດ, ກົມຮ່ວມມືເສດຖະກິດ, ກະຊວງການຕ່າງປະເທດ. ເພື່ອເຮັດໃຫ້ການສຶກສາອອກແບບຂັ້ນຕົ້ນ ກ່ຽວກັບການ ສ້າງຕັ້ງໂຮງງານຜະລິດຢາເລກ 3 ແຕ່ ວັນທີ 9-26 ຕຸລາ 1983.ການປຸກສ້າງໂຮງງານໄດ້ເລີ່ມໃນຊຸມປີ 1984-1986, ແລະ ລັດຖະບານ ຍີ່ປຸ່ນ ໄດ້ມອບເປັນຂອງຂວັນ ແລະ ສັນຍາລັກແຫ່ງມິດຕະພາບລາວ - ຍີ່ປຸ່ນ ແກ່ລັດຖະບານແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໃນປີ 1986; ໂຮງງານໄດ້ທຳການຜະລິດຕາມໜ້າທີ່, ທີ່ໄດ້ຮັບມອບໝາຍໃນປີ 1987 ຈົນມາເຖີງປະຈຸບັນ.
ຈຸດປະສົງຂອງການສ້າງຕັ້ງໂຮງງານຜະລິດຢາເລກ 3 ແມ່ນເພື່ອປະກອບສ່ວນເຂົ້າໃນການປັບປຸງວຽກງານ ການຮັກສາສຸຂະພາບຂອງປະຊາຊົນລາວ ຕາມນະໂຍບາຍຂອງລັດຖະບານ ໂດຍຜ່ານການຜະລິດຢາຈຳເປັນພື້ນຖານ ກໍ່ຄືການຈັດຕັ້ງປະຕິບັດການຄົ້ນຄ້ວາ ແລະ ການພັດທະນາກິດຈະກຳກ່ຽວກັບຕົ້ນໄມ້ ທີ່ເປັນຢາເພື່ອນຳໃຊ້ວັດຖຸດິບພື້ນເມືອງພາຍໃນປະເທດ.
ໂຮງງານຜະລິດຢາເລກ 3 ປະກອບດ້ວຍຕຶກອາຄານ ແລະ ຝ່າຍຕ່າງໆດັ່ງນີ້:
ຕຶກຝ່າຍບໍລິຫານ ແລະ ຝ່າຍຄວບຄຸມຄຸນນະພາບ - A
ຕຶກຝ່າຍວິສາຫະກຳເຕັກນິກ - U
ຕຶກຝ່າຍການຜະລິດວັດຖຸດິບຈາກຕົ້ນໄມ້ທີ່ເປັນຢາ - C
ຕຶກຝ່າຍການຜະລິດຢາສາກົນ - M
ຕຶກເຄື່ອງຈັກເປົ່າຖົງຢາງສັກສົ່ງ ( ເຊຣອມ )
ຕຶກອາຄານຝ່າຍການເງິນ/ບັນຊີ, ການຕະຫຼາດ/ການຄ້າ, ຮ້ານຂາຍຢາຍ່ອຍ ແລະ ຕຶກຝ່າຍຄຸ້ມຄອງສະໜອງວັດຖຸ ແລະ ສາງຜະລິດຕະພັນສຳເລັດຮູບ / ເຄື່ອງຫຸ້ມຫໍ່ / ວັດຖຸດິບ
ຈຳນວນພະນັກງານ :
ພະນັກງານ - ກໍາມະກອນທັງໝົດ : 144 ຄົນ
ຈຳນວນພະນັກງານ ແລະ ກຳມະກອນ ໃນປັດຈຸບັນ : 144 ຄົນ
( ຍິງ 68 ຄົນ )
70 ຄົນ ແມ່ນພະນັກງານກໍາມະກອນເຮັດການຜະລິດ
74 ຄົນ ແມ່ນພະນັກງານຝ່າຍບໍລິຫານ, ການເງິນ, ບັນຊີ ແລະ ອື່ນໆ
ຄວາມສາມາດຂອງການຜະລິດ (ປະມານ 100 ຊະນິດ) :
1.ຖອດຮີດຢາພື້ນເມືອງ : 60.000 ໂຕນ/ປີ
2.ຝ່າຍຢາສັກ
- ຢາສັກສົ່ງ : 930.550 ຖົງ/ປີ
- ຢາຫຼອດ : 3.800.000 ຫຼອດ/ປີ
3. ຢາເມັດ : 183.300.000 ເມັດ/ປີ
4. ຢານ້ຳເຊື່ອມ : 520.000 ຂວດແກ້ວ/ປີ
5 ຢາໃຊ້ສຳລັບພາຍນອກ : 437.500 ຂວດແກ້ວ/ປີ
ປີ 1983 ດ້ວຍການຊ່ວຍເຫຼືອຈາກ ລັດຖະບານຍີ່ປຸ່ນຜ່ານອົງການ ການຮ່ວມມືສາກົນຍີ່ປຸ່ນ (JICA) ເຊີ່ງໄດ້ສົ່ງຄະນະຜູ້ຕາງໜ້ານໍາພາໂດຍ ທ່ານ Minoru Ishida ທີ່ໄດ້ເຂົ້າຮ່ວມມືກັບກະຊວງສາທາລະນະສຸກແຫ່ງ ສປປ ລາວ ເພື່ອດຳເນີນການສຶກສາຄົ້ນຄ້ວາໂຄງການ
ກໍ່ສ້າງສູນພັດທະນາຢາແຫ່ງນີ້ຂື້ນມາ.
ປີ 1984-1986 ໄດ້ມີການກໍ່ຕັ້ງຂອງສູນພັດທະນາຢາ
ປີ 1987 ໂຮງງານໄດ້ຮັບການກໍ່ສ້າງຕັ້ງຂື້ນມາຢ່າງສົມບຸນ ແລະ ໄດ້ເລີ່ມດຳເນີນການຜະລິດຢ່າງເປັນທາງການ ໂດຍໃສ່ຊື່ວ່າ ໂຮງງານຜະລິດຢາເລກ 3
ປີ 1988 ການຜະລິດເລີ່ມຕົ້ນດ້ວຍ 10 ຊະນິດຢາເທົ່ານັ້ນ, ແຕ່ຫຼັງຈາກນັ້ນກໍ່ໄດ້ມີການຄົ້ນຄ້ວາພັດທະນາຫຼາຍຕົວຢາຂື້ນລວມໄປເຖິງ ໄດ້ມີການຜະລິດຕົວຢາພື້ນເມືອງຫຼາຍຊະນິດ ແລະ ທາງໂຮງງານຍັງສາມາດຄົ້ນຄ້ວາຜະລິດຢາພື້ນເມືອງທີ່ຖືໄດ້ວ່າເປັນຢາດີເດັ່ນ
ຊະນິດໜຶ່ງຂອງຄົນລາວ.
ປີ 2000 ໄດ້ມີການຜະລິດຢາເປັນຈຳນວນຫຼາຍກ່ວາ 100 ຜະລິດຕະພັນທີ່ເປັນຢາສາກົນ ເຊັ່ນ: ຢາເມັດ, ຢາແຄັບຊູນ, ຢາສັກສົ່ງ, ຢາສັກ, ຢາໃຊ້ພາຍນອກ, ຊຸດເກີດລູກ ລວມທັງ ຢາທາສາຍບືເດັກເກິດໃໝ່ ແລະ ອື່ນໆ
ປີ 2001 ໄດ້ມີການຂະຫຍາຍເຄືອຂ່າຍການຈຳໜ່າຍໄປທົ່ວທຸກແຂວງພາຍໃນປະເທດ ຊື່ງລວມມີໂຮງໝໍສູນກາງ, ໂຮງໝໍແຂວງ, ບັນດາຫ້ອງການສາທາລະນະສຸກ, ເມືອງ,ບັນດາກະຊວງຕ່າງໆ, ບໍລິສັດການຢາ ຂາອອກ-ຂາເຂົ້າ, ຄຣີນິກເອກະຊົນ ແລະ ບັນດາຮ້ານຂາຍຢາຕ່າງໆ.
ປີ 2004-2007 ພວກເຮາໄດ້ມີການຄົ້ນຄ້ວາພັດທະນາຜະລິດຕະພັນໃໝ່ໆທີ່ເຮັດຈາກວັດຖູດິບທຳມະຊາດ ມາເປັນຢາ ແລະ ອາຫານເສີມ ຊື່ງປະກອບມີທັງໝົດ 6 ຊະນິດທີ່ໄດ້ແກ່: Decholest Tea, Dechocap, De-gas, Aromax, Adenocap ແລະ Kidnex Tea.
ປີ 2008 ໄດ້ມີການນຳໃຊ້ມາດຖານຂອງ ISO ເຂົ້າມາ ແລະ ມີການປັບປຸງກ່ຽວກັບ QA / QC.
ປີ 2011-2015 ພວກເຮົາໄດ້ມີການພັດທະນາໂຄງການສ້າງພື້ນຖານອາຄານການຜະລິດໃຫ້ທັນສະໄໝຂື້ນ ເພື່ອໃຫ້ສາມາດບັນລຸການຮັບຮອງການອອກໃບຢັ້ງຢືນ GMP,ມີການປັບປຸງຜະລິດຕະພັນໃຫ້ແທດເໝາະກັບຄວາມຕ້ອງການຂອງຕະຫຼາດ
ໂດຍໄດ້ມີການຄົ້ນຄ້ວາຜະລິດຕົວຢາຫຼາຍຊະນິດເພີ່ມເຕີມຂື້ນມາ.
ປີ 2018 PDC3 ໄດ້ມີການຮ່ວມມືກັບຫຼາຍບໍລິສັດທັງພາຍໃນປະເທດ ແລະ ນອກປະເທດໂດຍໄດ້ມີການຮ່ວມມືໃນການຈັດຕັ້ງ ປະຕິບັດໂຄງການ, ຮ່ວມມືການຍົກຄຸນນະພາບຂອງພືດອາຫານ ແລະ ຢາຕາມເຕັກໂນໂລຢີ່ຂອງຍີ່ປຸ່ນ ກັບບໍລິສັດ TSUJIKO Co.Ltd.